A Maria Bambina
Origine: Castelbuono (PA)
BINIRITTA
Biniritta ran Signura
Chi nascistivu a chista ura
Regina Matri Bedda Signura
da lu piettu
Da Matra Sant'Anna
Sarvatimi u cori e l'arma.
IORNU DI FESTA
È festa ranna pi tuttu u munnu
pu cielu e u mari senza funnu
è iuornu di festa pi tutta a genti
nasci Maria, rigina putenti!
nasci i Sant'Anna ed è 'mperatrici
di tuttu u cielu suvrana filici!
cantati ancili! cantati Santi!
è iuornu di festa e senza scanti!
Picciridduzza bedda e amurusa
prea pi l'arma nosrta ca è cunfusa.