Alla Madonna del Carmine
Origine: Comiso (RG)
Si Maria nun avissi mantu
fùssimu persi tutti quanti.
E lu cori luratu sia
di lu Carmini Maria.
O Maria Carmilitana,
di razzi ni faciti 'na funtana.
Cu la Vostra gran putenza
ni mannati 'a saluti e
'a Divina Pruvirenza.
Origine: Zafferana Etnea (CT)
Madonna di lu Carmini (frammento)
Supra 'nmunti cumpariu
di na neula adurnata
e sarà la Matri di Diu
di lu Carmini chiamata...
Origine: Gangi (PA)
O Rigina Virginedda
spusa e matri tutta bedda
st'alma afflitta libirtati
d'ogni mali preservati.
Aiutatimi o gran signura
quannu afflittu sara l'ura
ntraddu puntu sta spirannu
ed allura o gra Rigina
speru in vui bontà Divina
di scacciari in tutti i modi
di l'infernu li gra frodi.
Chi spirata l'arma mia
chu Gesù, Giuseppi e Maria
vi putissi poi ludari
e cu l'angili cantari
in ogni locu e in ogni via
viva sempri di lu Carmini Maria!
Bedda matri di lu carminu l'abitinu ca ia purtu,
è sicura u ma cunfurtu
u primu sabatu ca veni
liberatimi di peni.
ESULTAZIONE
Viva maria di lu carminu signura assistitimi ora sinu all'ultima ura.