A la Matri Santissima di lu Lumi
O figghia [di] Diu Patri,
E Matri anchi di Diu,
A vui nostra gran Matri
Dugnu lo cori miu,
Dati a noi figghi vostri
Ajutu, e lumi internu,
Ca li nimici nostri
Nui purtanu a l’infernu.
Dati, pri non sgarrari,
A nui lumi e cunsigghiu,
‘Nsignatini ad amari
L’eternu vostru Figghiu.
Dati la manu a nui,
‘Ntra l’ultima agunia,
E unni siti vui
Purtatini, o Maria.
Tratto da:
DIARIU BREVI
Pri li cristiani idioti
NON INUTILI AD OGNI AUTRU
datu novamenti alla luci
DA MONSIGNURI
D. MARTINU URSINI
VISCUVU DI PATTI
AD USU DI LA SO DIOCISI