Alla Madonna del Rosario
Origine: San Fratello (ME)
Orazioni alla Madonna di lu Rusariu
O Regina di lu Rusariu,
o Santissima, stasira
se c'ia manca menzu chiau
mi l'aviti pirdunari!
La Regina rispunti e dici:
"Figghia mia, nun dubitari
chi lu tempu chi c'è persu
ti lu fazzu guadagnari.
Alla fini di lu muriri
ti mannu l'Angilu a ccumpagnari."
"Tu si l'angilu di Dieu,
tu si fidili cumpagnu mieu.
Accumpagnami stanotti,
pi nun muriri di mala morti."
"San Duminicu lu Beatu,
stu rusariu è mannatu
a Maria la Virginedda,
tutta pura e tutta bedda;
tutti quanti la priamu,
tutti a Vui na prisintamu.
O Gesù, Giuseppe e Maria,
iu nun sacciu uni ha iri,
pi li me mali piccati
aiu esseri cunnannatu.
Preu ca a la me morti Vui m'assistiti
e quannu è l'ura 'n celu mi purtati.
Origine: Vita (TP)
Preghiera Alla Madonna del Rosario
O Madonna di li rusariu
vui chi siti bedda assai
comu salvi di Rigina
e di razii siti china
A prisenti stu rusariu
c'aiu dittu eu stasira
e si mancamentu ci fussi
vui m'aviti a pirdunari
E Maria rispusi e dissi
lu rusariu nun lu lassari
chi lu tempu chi pirdisti
ti lu fazzu annavanzari
Ti mannu eu l'angilu accumpagnari
O tu angilu di Diu
tu chi sai lu cori miu
accumpagnami stanotti
scansaminni di mala morti.
O Duminicu biatu
stu rusariu a vui fu datu
di Maria la virginedda
tutta pura tutta bedda
Offiremulu a Maria
cu la nostra armonia
e vulemu a Diu pi patri
e Maria pi nostra matri
Stati 'nsemmula 'ncumpagnia
San Duminicu e Maria
e Maria è supra un (in?) cruciuri
l'affidemu a lu nostru amuri
Nun su comu miritati
cu la vostra maestati
su li cosi sculuruti
lu me cori ha riciuruti
Comu 'nterra amamu a vui
comu 'ncelu purtati a nui
e decimila voti ringraziamu
lu santissimu e divinissimu Saramentu
e tri voti sia ludatu
viva Diu saramintatu
Avvucata siti Maria cu li giusti piccaturi
siti matri di li Signuri
vui chi siti senza piccatu
li razii mei su piccatura
E si eu sugnu eu piccatu
pozza moriri distinatu
stu rusariu penerrà
pene e 'nfernu paterrà.
Origine: Montemaggiore Belsito (PA)
Salve Regina della Madonna del Santo Rosario (cantata)
Dio ti Salvi o Regina
Maria di lu Rusariu
di lu divinu erariu
la tisurera
Sintiti sta preghiera
o Matri nostra amanti
pir nui rusarianti
a vui l'uffriemu
Pentiri nni vuliemu
di li nostri piccati
lu nostru Diu prigati
ed otteniti
Vui beni lu sapiti
pe chiddu granni amuri
versu li piccaturi
Gesù incarnatu
Nasciu nna un misuru statu
patiu peni e turmenti
fu in cruci crudelmenti
e nni muriu
Poi quannu risurgiu
fistanti e gluriusu
mostrò quantu è amurusu
e Onniputente
Bedda Matri climenti
O Verginedda pura
persinu all' ultima ura
nun nni scurdati
Guardatini, guardatini
la nostra Matri siti
Si vui l' impegnu aviti
Diu a nui pirduna
Pi mezzu di la curuna
chi nui la ricitamo
gudirvi nui speramu
in paradiso
in paradiso sia
Viva Viva Gesù
Viva Maria.