Alla Madonna delle Grazie
Origine: Castelbuono (PA)
Oh bedda Matri di li razii
'nta li vrazza porti razii
M'aviti assistiri e m'aviti a uardari
Ni lu vostru mantu m'aviti a riparari.
Origine: Castelbuono (PA)
AVE MARIA della Madonna delle Grazie
Avummaria vulemu cantari
a Maria i Supra l'artari
e c'ha cantamu cu divuziuni
pi i buoni e i tiniti pirsuni
avummaria siti na stidda splennenti
cunvertiri s'ha cu vi senti
ntesta purtati la santa cruna
Maria vui siti u suli e a luna
'ntornu u capu i dudici stiddi
pi vui sunnu stiddi e faiddi
aviti u mantu granni quantu u mari
ci putiti riparari tutta umanità
la campanedda sona 'ncelu Maria acchiana
a bedda 'Mmaculata 'ncielu è isata
priati pi nuatri Maria
a razia faciti a mia
a vui prisintamu sta priera
e sempri sia comu era!
Origine: Gangi (PA)
O Maria, o Maria tutta Divina
di li Grazii adorna e china
Matri affabili d'amuru
pi li nostri gravi erruri
to offrisci o Signura Virginedda kasta e pura
dolci cori di pietati.
Dà saluti all'ammalati
versu l'occhi biniditti
supra l'orfani e l'afflitti
quarda puri o Matri amanti
li fidili agunizzanti
scaccia lu tirruri
di lu serpe tentaturi
porta tutti 'n Paradisu
pi godiri lu to visu
ku li santi e li beati
pi l'eccessi Trinitati
Ti pregamu o Matia di li Grazii a cussì sia!