Alla Madonna di Tindari
Origine: Tindari (ME)
Beddra Matri du Tunnaru
siti beddra vicinu e luntanu,
Iu vi mannu stu salutu
bedda Matri, datimi aiutu.
Datimi aiutu, cunsigghiu e riparu,
bedda Matri di lu Tunnaru.
E si i grazi nui vulemu
a Maria arricurremu.
E cu cori ludata sia,
di lu Tinnaru Maria.
Si Maria 'n'avissi u mantu,
fussimu persi tutti quantu,
e cu cori ludata sia,
di lu Tinnaru Maria.
Origine: Tindari (ME)
O Maria ri l'Autu Mari,
vinitimi 'nsonnu chi Vi vogghiu parrari;
sta grazia m'aviti a fari,
'na chiavi r'oru 'na porta r'argentu
purtati 'ntro sonnu 'u Sacramentu.
S'è si:
'na tavula apparicchiata,
'na vigna carricata
e 'na missa cunsacrata.
S'è no:
acqua currenti,
focu ardenti
e lingua di mala genti.