A Maria Santissima
Origine: Castelbuono (PA)
SALUTAZIONE
Bedda siti Virgini Maria
E u ma cori iè a Vossia
Luci 'ntra lu scuru
Varcu 'ntra lu muru
Stidda marina
Luci mattutina
Rosa amurusa
sunata armuniusa
Spiranza i piccaturi
Matri dù Sarvaturi
Reina di la Paci siti Maria
accumpagnatini duncu 'ntra la via
Vistuta di suli cu la luna sutta li peri
Scunfiggiti li brutti feri
Bedda matri puri di la strania
Accugliti puri a mia
Cummigliatimi Maria cu lu vostru mantu
E asciucatini lu chiantu
Ia ringraziu lu me Diu chi vi criau
E pi matri a nuatri vi dunau.
ALLA MADONNA
Luna prizusa si tu Maria
Si suli e luna
Si a a nostra patruna
Suli d'amuri
Luna 'ndurata
Tu o Maria si nostra avvucata
a vui vulgemu lu nostru cori
Matri amurusa
Duci Virgini priziusa.
DIVUZIUNEDDA
Rosa senza spini
Gigliu senza scrimi
Reina di la paci
Cunfortu i l'ammalati
Sarvizza i piccatura
Ascutani nostra Signura.
A BEDDA MATRI
a Bedda Matri avi nu mantu
si mi cupuna di chistu un mi scantu
a Bedda Matri avi na cruna
dici u Rusariu e Gesuzzu pirduna
a Bedda Matri avi nu gigghiu
ci lu proi e l'ascuta so figghiu
a Bedda Matri avi na luna
di cielu e di terra eni patruna!
a Bedda Matri avi nu sciuri
lu duna pi nuatri a nostu Signuri
a Bedda Matri avi na rosa
supra l'artari di Cristu ci la posa
oh bedda Matri duci e amurusa
du Verbu Eternu Matri, suoru e spusa
datini aiutu, datini cunsigliu
mittitici na manu quannu sugnu 'mpirigliu.
A MATRI DI TUTTU U MUNNU
A Matri Maria è matri du munnu
ca pi diri comu si dici mi cunfunnu
a Matri Maria avi du milia e chiù chiamari
ca tutti assiimi un li pò pinzari
ma comu a chiami a chiami idda rispunni
picchì a bedda matri di tuttu u munni
si sutta i peri ci spunta na luna
è a 'Maculata gluriusa patruna
siddi 'nte mani avi u scapulari
è a Matri u carmini ca voghiu priari
siddi ci penni a cruna u rusariu
a Matri u rusariu cantamu u stiddariu
siddi e manu avi a racina
a Pruvvidiinzia chiamamu vicina
siddi o sciancu avi a catina
chiamamu a Matri d'ogni gnacina
siddi è curcata 'nto cataliettu
a Sciusa chiamu e mi mettu o pettu
oh Maria, bedda Matri di nuatri
comu vi chiamu vi chiamu m'accurdati
e dunca pi sta santa divuzioni
ci dicu un criu a la Santa Passioni.
Origine: Vita (TP)
Maria supra li mura notti e jornu
chi fa lustranza pi tuttu lu munnu
e un surdatu la stava taliannu:
"Chi 'ran lustranza chi c'è na stu' cuntornu!
Vui, signuruzza, chi gghiti facennu?
Chista 'unn'è l'ura di iri caminannu"
Ma eu caminu la notti e li jornu:
li figghiulucchi mei vaiu vardannu!
Origine: Vita (TP)
Sutta setti silestri
nna chisedda c'è:
è firriata di lu meli,
dintra c'è lu corpus Domini
cu la vergini Maria.
Lu figghiu 'n sonnu m'aiu sunnatu
ch'è prisu e attaccatu.
Cu lu dici tri voti lu sabbatu addjiuni
guadagna dudici anni di pirdunu.
Origine: Roccapalumba (PA)
Bedda Matri, una siti
e quanty tituli c'aviti
e sintiti stu Rusariu
ca a Vui ricitaiu
ca si menu ci nni fussi
Vui m'aviti a pirdunari.
E Maria rispusi e dissi:
"Figghia miè, nun dubitari
ca di Me Figghiu ti fazzu pirdunari".
Bedda Matri di la Luci, aiutatici
Bedda Matri di la Luci, assistitici
Bedda Matri di la Luci, cunsulatici.
Sutta lu mantu vostru, Matri Divina,
prutiggiti st'arma mié
povira e mischina.
Origine: Trabia (PA)
Saluto alla Madonna
Vi saluto a Vui Madonna
pararisu ta na colonna
spiru ri suli, rosa ri campu
vi saluto a voie allu Spiritu Santu.
Origine: Trabia (PA)
Marunnuzza di la scala
Marunnuzza di scala
io mi curcu e idda mi chiama
e mi chiama alla bonura
la Madonna m'assicura.
M'assicura cu lo so mantu
no nomi ro Padri Figliu e Spiritu Santu.
Origine: Trabia (PA)
Notti r'Ammaculata
Chista è a nuttuta r'Ammaculatedda
Ca ogni annu va furriannu vanedda pi vannedda.
Tutti la genti ro paisi
l'aspettunu r'avanti la porta cu grandi atisi
pi manteniri li prumisi (ex voto)
c'annu fattu nta stu misi.
Ra mezzanotti al setti ro matinu
Ammaculata è sempri n'camminu.
La bedda matri assicura a tutti li so figghi
cu lu santu ro nomi ro Patri, ro Figghiu
e ro Spiritu Santu.
A fine "ottavata", la notte prima del rientro del simulacro dell'Immacolata presso la chiesa madre di Trabia intitolata a Santa Petronilla, il simulacro dell'Immacolatella (simulacro dell'Immacolata di dimensioni ridotte) viene portato in processione in giro per le strade del paese: inizialmente faceva sosta daventi il portone di ogni singolo confrate iscritto nell'omonima confraternita di Maria SS. Immacolata, e nei punti principali quali chiese, monasteri, monumenti sacri e le varie cariche pubbliche.
Origine: Trabia (PA)
Preghiera alla Madonna
Madonnina di lassù
un aiutu dammi tu
tieni luntano ri mia u duluri
dammi tantu amuri.
Origine: Trabia (PA)
Protezione sotto il manto di Maria
Io mi chiuru a porta mia
cu lu manto di Maria
cu avi fari mali
a mia un'avi a truvari
ne strata ne porta e mancu via
catinazzi e liati pi la via
ca ci ricu un Avi Maria...