Preghiera contro il male
Origine: Vita (TP)
Si recita toccando la parte dolorosa del corpo
O Diu, salvi, Rigina,
matri di lu rusariu,
chi si trova un santuario a Tagghiavia
'nfasciata sta matri Maria
cu lu so' figghiu accantu,
supra l'acqua nasciu lu so' ritrattu,
quanti grazi ch'ha fattu
sta matri miraculusa,
ni varda d'ogni cosa
a nui e all'animali;
ci su li fratelli
chi vannu limosinannu,
limosina circannu
e limosina facennu;
c'è lu veru Musìa
ch'è brunnu comu un gigghiu,
chi esti lu so' figghiu d'incarnazioni;
c'è la binidizioni
ppi tutta la campagna,
la cosa chi si vagna si binidici;
Maria sparma lu velu
supra di la 'razioni
e fa la grazia,
lu cori mi ringrazia;
Maria matri d'aiutu
ni varda la saluti
e l'arma nostra
- Ave Maria o Salve Regina