Preghiere a San Biagio
Origine: Comiso (RG)
O Patronu San Milasi,
ca la terra ni vardati;
re trona e timpistati
Vui annanzi Vi truvati.
E chi 'mpràculu fu chistu
co Patronu e Gesù Cristu
Sempri sia luratu
u Patronu, ca fu cardatu.
AruràmuLu a tutti l'uri
San Milasi prutitturi.
Origine: Castelbuono (PA)
Diu vi salvi San Brasu
o Santu viscuvuzzu
cridennu a Gesuzzu
fustivu Santu
vuatri senza scantu
pi Cristu ridunturi
cu summu assai duluri
dastivu a vita
ch'offerta assai gradita
pu Santu di Santi
Chi duno assai 'mpurtanti
ca ci fa
un picciriddu ca
s'ava a resca agghiuttutu
avia bisognu d' aiutu
e ciù purtaru
davanti u santu artaru
san Brasu u biniddisi
cu i cannileddi stissi
e si sarvau
Iddiu glurifiau
quannu arrivau la morti
attinni bona sorti
in paradisu
San Brasu a letu visu
all'uru da ma morti
o ma capizzu forti
strincitivi vui!
ia piccaturi fui
ma 'nvostra cumpagnia
cu Gesù e cu Maria
pozzu acchianari.