Preghiere a Santa Lucia
Origine: Montemaggiore Belsito (PA)
"Lucia Lucia ri na stanza chi liggia... e liggia un bellu nomu di quannu Diu si fici uomu... ci incontra la Vergini Maria e ci dici... Chi hai Lucia?... e ca aviri Matruzza Mia... l'uocchi mia mi lacrimianu... miettici pampini e finuocchi pistali sutta li pieri... acqua e nivi... t' hanna a squagghiari.
Origine: Cianciana (AG)
Santa Lucia maistra sia
idda tagliava idda cusia.
Ma carutu n'a cosa na l'occhiu
e un ma buluto trapassari.
Io a l'ortu acogliri tri pampini ri finocchiu
cu li manu li tagliaiu, cu li peri li scapisaiu.
Tagliu i purpi tagliu i pirati
da santissima trinitati.
Santa Lucia la saura sàna
iddra camina bbaggiàna bbaggiàna,
avi li pedi comu na BBammina.
iddra nun caminava, n celu liggiva,
oru tagliava e argentu cusiva.
Origine: Trabia (PA)
Santa Lucia maistra sia
idda tagliava idda cusia.
Ma carutu n'a cosa na l'occhiu
e un ma buluto trapassari.
Io a l'ortu acogliri tri pampini ri finocchiu
cu li manu li tagliaiu, cu li peri li scapisaiu.
Tagliu i purpi tagliu i pirati
da santissima trinitati...
Origine: Ragusa (RG)
Santa Lucia di notti tissia,
Argentu tagliava ed oru cusia
S'ascià a passari la Vergini Maria
e ci dissi: Chi ia' Lucia?
Aiu 'na furia nni st'occhi:
Nun pozzu stari susuta
e mancu a lettu a ripusari.
Pirchì nun vinisti nni lu ma ortu,
ca c'era na macchia di finocchiu?
Ccu li ma manuzzi lu chiantavu,
ccu li ma piedi lu pidiavu,
ccu la ma vucca lu binidissi:
vattinni furia, cà i' lu dissi.