Preghiere a San Sebastiano
Origine: Castelbuono (PA)
Diu vi salvi Vastianu Santu
beddu santu senza mantu
tuttu quantu 'nfrizzateddu
San Vastianu siti beddu
siti beddu e curaggiusi
l'arma mia a Diu ci cusi
Cusiticilla vui ca siti santu
accussì mi livatati du scantu
di lu cifaru 'nfirnali
San Vastianu 'nati a taliari
siddi pesti, fami e guerra
su 'ncuttati a chista terra
cu li frizzi c'aviti 'ncoddu
datici sempri bonu scoddu
comu beddu vui siti
San Vastianu binidiciti.
Origine: Mistretta (ME)
San Vastianu siti lu ran Santu
lu vostru cori è na tazza d'argentu
cu Vi risguarda ci veni lu chiantu
San Vastianu Cavaleri Santu!
San Vastianu siti nu bastiuni
lu prutitturi di li Cristiani
cu ti dumanna a razia ci la runi
massimamenti a li to paisani
li tiranni e li Jurii t'assicutaru
t'assicutaru sinu a lu jardinu
nta mperi r'arvilu t'attaccaru
pi arripusari lu santu schinu
teniti forti Vastianu
ca n'ai la megghiu parti di lu cielu.
Origine: Zafferana Etnea (CT)
San Bastianu (frammento)
Li peni ca patiu san Bastianu
patiu li peni di Cristu divinu,
li cani e li Giudei l'assicutaru,
l'assicutaru finu a li giardini
e 'nda 'npiduzzu d'aranciu l'attaccaru...