Preghiere a San Vito
Origine: Castelbuono (PA)
RUSARIU I SANTU VITU
MISTERU: Santu Vitu di Mazzara
cu lu vrazzu n'arripara;
e lu populu n'è divotu
chi ni scanza di tirrimotu;
e lu populu fa a festa
chi ni scanza da pesta.
GRANI PICCOLI: e ludamu a tutti l'uri,
Santu Vitu prutitturi.
O gran santu prutitturi,
vui priati a lu Signuri;
a nui ni pirdunassi,
di lu mali n'alluntanassi.
Origine: Vita (TP)
A Santu Vitu (contro i cani rabbiosi)
Santu Vitu cca c'è Vitu
e tri voti vi lu dicu
e chiamativi ssi cani
chi mi vonnu muzzicari.
Origine: Vita (TP)
A Santu Vitu (contro lo spavento)
Santu Vitu corpu santu
allibbiratimi di periculi e di scanti;
o dormu o vigghiu
cu' santu Vitu m'arrispigghiu.